საშემფასებლო საქმიანობის შესახებ კანონი საქართველოში დღესდღეობით არ არსებობს . შეფასების განხორციელების საკანონმდებლო ბაზას წარმოადგენს კანონი ბუღალტრული აღრიცხვის, ანგარიშგებისა და აუდიტის შესახებ, რომლის მიხედვითაც შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებულ შემფასებელთა სერტიფიკაციის ორგანოს მიერ სერტიფიცირებულ შემფასებლებს. შემფასებელთა სერტიფიცირება ხორციელდება ქონების სხვადასხვა კატეგორიების მიხედვით, შემფასებელი სერტიფიცირებული უნდა იყოს ინდივიდულურად ქონების ტიპის მიხედვით - უძრავი ქონების, მოძრავი ქონების, არამატერიალური აქტივების, ბიზნესის, საიჯარო ინტერესების. მაგალითისთვის, უძრავი ქონების შემფასებელს არ აქვს მოძრავი ქონების შეფასების განხორციელების უფლება.
აუდიტორული და საშემფასებლო პროფესიების გამიჯვნის მიზნით საქართველოს მთავრობა ვალდებულია 2017 წლის 31 დეკემბრამდე შეიმუშაოს საშემფასებლო საქმიანობის შესახებ საკანონმდებლო აქტი. მის ამოქმედებამდე კი საშემფასებლო მომსახურების გაწევის უფლება მიეცეს მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი.